Џенифер Лопез ќе го тужи својот поранешен возач поради уцена...

Човекот кој ја возел пејачката по турнеи и концерти од бившата шефица побарал 2,8 милиони долари. Ако не му го исплати бараниот износ, Хакоб Маноукиан се заканил дека пред јавноста ќе ги изнесе сите детали од “задното седиште на својот автомобил”.

“Одеднаш доби желба за контрола и власт. На своја рака почна да го надгледува обезбедувањето и да им кажува кој што ќе работи. За тоа ми бараше и повеќе пари, јас не сакав да му дадам бидејќи го вработив само како возач. Тогаш почнаа заканите”, вели пејачката.

Влечењето по судови е уште една во низата непријатности со кои моментално се среќава латино дивата. Овие денови и нејзината врска е на стаклени нозе, 43-годишната Џенифер интензивно размислува да ја прекине романсата со Каспер Смарт.

“Се чувствува како негова дадилка, а не како партнерка. Не и е убаво со него. Сепак е 19 години помлад и незрел”, вели извор близок до парот.