Сестрата на актерката Пенелопе Круз наскоро може да ја засени...

Моника Круз се истакнува како модел и прави се поголеми чекори кон врвот. Таа беше избрана за лице на луксузната марка на Agent Provocateur и веќе го краси сајтот за долна облека, што веднаш беше протолкуван како значаен и самостоен пробив.
Така, откако едната Круз се препушти на мајчинството, другата може да продолжи да ја разнесува славата на семејството во светот.

Според многумина Моника е поубава и понежна од својата сестра. Сличност меѓу двете дефинитивно не може да се негира.

Моника учествуваше како замена за својата сестра во снимањето на филмот "Пиратите од Карибите: На непознати води". Тогаш Пенелопе била бремена и нејзината помала сестра била ангажирана за некои кадри кои се снимале од подалеку.
Таа има учество во уште десетина филмови, но очигледно најуспешно поле за докажување е модата, каде исто така има заеднички фото сесии со Пенелопе.