Сопственик на еден ноќен клуб во близина на Далас ја тужил раперката Ники Минаж дека земала 30.000 долари за настап на полноќна забава на која не се појавила...
Популарната раперка одржала концерт во салата "Verizon Grand Prairie" во близина на Далас и наводно било закажано нејзино појавување на забавата во ноќниот клуб "Zouk". Во последен момент, разгалената раперка одлучила дека сепак нема да присуствува на забавата, иако, според тврдењата на споственикот, и било платено за тоа. "Вечерва нема забава. Жалете се на промотерите кои продавале влезници со лажни најави", напишала Ники на својот Твитер.
Сопственикот на клубот Мет Кисло го негирал тоа што го напишала раперката и рекол дека нејзе и е исплатен целиот износ за настапот. "Колку што разбрав, таа била пред клубот, дошла, но одлучила да не влезе", рекол Кисло.
