Откако беше објавено дека актерскиот пар Мелани Грифит и Антонио Бандерас се разведуваат, сајтот “Радар Онлaјн” oбјави снимка на која шпанскиот актер танцува со актерката Малика Шерават...

Средбата на двајцата актери се случила на една од журките на Филмскиот фестивал во Кан. Стилистот на Малика вели дека Бандерас бил маѓепсан од актерката.

“Колку Малика му беше привлечна на Бандерас се гледа и на снимката. Во еден миг и пријде од зад грб, слушнав дека и вели оти е многу убава. Додека танцуваа им пријде жена на околу 40 години и ја турна Малика. Јас ја фатив за рака и ја одведов од забавата. Не сакавме да бидеме дел од некаква драма. Жената која ја турна Малика, дефинитивно не беше Мелани Грифит”, вели стилистот на Малика, Иван Битон.

Тој додава дека и покрај симпатиите на Бандерас спрема Малика, индиската актерка не би се впуштила во врска со оженет маж.

Сепак, пријателите на Бандерас и Грифит велат дека Антонио не би се разделил од Мелани бидејќи се уште ја сака.