Парис Хилтон сака да отвори сопствен синџир хотели. 31-годишната убавица има желба да се впушти во нов бизнис и планира да тргне по стапките на својот пра прадедо Конрад Хилтон, отворајќи сопствен синџир хотели и институции...
"Секогаш сум работела за создавање на сопствен бренд. Следна желба ми е да создадам сопствени хотели, ноќни клубови и ресторани. И сакам да влезам повеќе во бизнисот со недвижности, кој е мое семејно наследство", изјавила Парис.
Освен што сонува за хотели, Хилтон, која наскоро на пазарот ќе го пушти својот 15-ти парфем Dazzle, веќе прави планови за проширување на синџирот продавници на пазарите во развој како Индија и Бразил.
"Имав неколку состаноци во врска со отворањето на уште продавници Парис Хилтон во Индија и Бразил. Сега имам над 50 продавници. Ќе отворам клуб на плажа на Филипините на крајот на годината и исто така продуцирам неколку телевизиски шоу програми. Продолжувам да работам на колекциите за чанти и чевли. Никогаш не седам без да дејствувам", изјавила Парис за британското списание" Hello".
