Спектакулраните бини на кои беа изведувани концертите за време на турнејата на U2, ќе станат постојани концертни сцени во некои паркови. Она што сеуште не е познато се градовите кои како подарок ќе ги добијат прекрасните сцени во вредност од 20 милинои фунти.
Членовите на U2 се свесни дека ќе биде огромна штета да се уништат бините од концертните настапи на актуелната турнеја „360 степени“, па затоа одлучиле да ги подарат. „Мојата визија е, а за ова разговарав и со бендот, овие бини да ги претвориме во постојани концертни павилјони“ - изјавил архитектот Mark Fisher, човекот кој ја осмислил сцената во облик на вселенски брод. Засега се размислувало, една од сцените да остане во Aвстралија, а другата би можела да заврши некаде во Јужна Америка. Каде ќе отиде третата сеуште не е познато. „Важно е паркот да биде доволно голем за да ја собере бината и да може да издржи 200 тони терет“ - изјавил Fisher.
