Модата не им претставува непознат поим, но додека едната со своите колекции ги освојува светските писти другата имаше прилика да носи парчиња кои за неа ги создадоа најдобрите дизајнери на светот. Ако ги соединат своите знаења и љубов кон модните парчиња би можеле да ја создадат најпознатата колекција на светот...

Станува збор за Викторија Бекам и Сара Џесика Паркер кои од неодамна планираат да осмислат заедничка колекција. Веста се проширила по медиумите иако не е потврдена, но двете дами имаат доста заедничко, а колекцијата сигурно би го привлекла поголемиот дел од медиумското внимание.

Сара Џесика Паркер има модно искуство затоа што во текот на снимањето на серијата "Sex and the city" носеше парчиња за кои ние можеме само да сонуваме.

Викторија Бекам од сезона во сезона се повеќе го потврдува статусот на дизајнерка која знае што жените обожуваат и сакаат да носат.