Со месеци се пишуваше за крајот на нивната врска, сега и конечно е готово...

Познатиот актер Џони Деп и официјално потврди дека тој и неговата партнерка Ванеса Паради решиле да стават крај на нивната 14-годишна врска.

Тие имаат две деца - 13-годишната Лили Роуз и 10-годишниот син Џек.

“Ги замолувам медиумите да ја почитуваат нивната приватност и уште поважно приватноста на нивните деца”, порача нивниот портпарол.

Парот живееше заедно на југот на Франција, но Џони од неодамна живее во Лос Анџелес.

Првата вест за крајот на нивната врска излезе пред неколку месеци, но тие ги отфрлаа сите шушкања во медиумите.

Минатата недела излезе веста дека Деп се гледа со колешката од “The Rum Diary”, Амбер Хед. Изгледа навистина тие се новиот пар.