Ако ова е вистина, тие дефинитивно ќе бидат најсекси двојка...

Актерите Скарлет Јохансон и Бредли Купер биле видени заедно во ресторан, а очевидци тврдат дека хемијата меѓу нив била „очигледна“.

Скарлет (27) и десет години постариот актер со кој играше во филмот „He's Just Not That Into You" биле на “забавна вечера полна со флерт”, пишува американскиот сајт "Radar Оnline".

„Им беше многу пријатно заедно и очигледно е дека си се допаѓаат еден на друг. Бредли изгледаше како да е маѓепсан од убавината на Скарлет, посебно бидејќи носеше краток фустан и беше шармантна. Таа постојано си ја фаќаше косата додека зборуваше со него“, изјавил изворот кој исто така синоќа бил во ресторанот и додал дека вечерата била повеќе од пријателска.

Бредли Купер неодамна беше прогласен за најсексапилен маж на светот од страна на магазинот „People“, а беше во врска со Рене Зелвегер и Зои Салдана.