Денес е Ден на татковците, по тој повод беше направена листа на најпопуларни татковци...
Листата ја направил собирачот на информации од друштвените мрежи “Starcount”. Овој сервис собира информации од “Facebook”, “Twitter”, “YouTube” и други друштвени мрежи со цел ефективно да го измери однесувањето на околу 1,5 милијарди корисници ширум светот.
Најпопуларен познат татко е Еминем, кој во мај изјави дека ќе почне да работи на продолжението на својот албум “Recovery” од 2010 година. Тој е татко на 16-годишната Хеили. Покрај неа ги посвоил Алаина, ќерка на сестрата на неговата поранешна жена Ким Скот и Витни, ќерка на Ким од претходната врска.
Во првите пет најпопуларни татковци се најдоа: фудбалерот Кристијано Роналдо, починатиот пејач Мајкл Џексон, претседателот на САД, Барак Обама и Хомер Симпсон, измислен лик од анимираната серија “The Simpsons”.
