Познатиот дизајнер ептен ја разгалил својата мачка...

Тој буквално е опседнат со своето 9-месечно маче по име Шупет и вели дека за него се грижи како за жена. За нејзината исхрана и здравје се грижат две слугинки, а модниот креатор на своето милениче му купил и “iPad”.

Лагерфелд од пред неколку месеци има бела сијамска мачка и оттогаш често ја споменува во пораките на својот “Твитер” профил.

Неодамна тој на “Твитер” објави фотографија од мачката како со шепите го допира екранот на “iPad-от”.

“Таа јаде со мене, на мојата маса. Има своја храна, па не ја допира мојата. Не сака да јаде на подoт. Спие под мојата перница и знае да го користи iPad-от”, се пофалил Лагерфелд.

Модниот креатор најави дека еден ден ќе напише книга за Шупет, која ќе се базира на дневникот кој моментално го води за нејзиниот секојдневен живот.