Викторија си нашла совршен маж...

Во интервјуто за британското издание на магазинот “Ел”, фудбалерот Дејвид Бекам открил дека наутро е многу зафатен, па не стигнува да појадува.

“Kaко изгледа моето утро? Станувам во 6.45, малата Харпер се буди во 7 часот, а петнаесет минути подоцна на нозе се и моите синови, кои штом се разбудат на масата ги чека појадок кој секое утро им го подготвувам јас”, се пофалил 37-годишниот Дејвид.

Раскажал дека најстариот Бруклин наутро јаде кроасан, Ромео сака овошје, особено ананас и манго, а најмалиот Круз обожава нутела.

“На брзина каснувам од тоа што ќе им остане, не стасувам да си подготвам нешто за себе”, рекол Бекам. По појадокот децата ги носи на училиште, па потоа брза на тренинг.