Пејачот на групата “Аеросмит”, Стивен Тајлер очигледно има вкус, ама и пари...

Рокерот го купил најбрзиот кабриолет на светот и за него издвоил 1,1 милион долари. "Hennessey Venom GT Spyder" забрзува до 321 км/ч за 15,9 секунди, односно осум секунди побрзо од "Bugatti Veyron".

Стивен е првиот кој побарал ваков автомобил без покрив.

“Стивен дојде минатата година и побара од нас да му направиме ваков автомобил без покрив. Успеавме да го направиме тоа со некои конструкциски промени, со цел да го намонтираме покривот. Сето тоа ја зголеми тежината на автомобилот, па му ја зголемивме и силата”, рекле производителите.

Оваа година ќе бидат направени само пет вакви автомобили, а Тајлер ќе биде единствениот кој го има во кабриолет варијанта.