Само еден ден откако во јавноста се појави веста дека Жерард Пике ја оставил Шакира поради манекенката Бар Рафаели, тој ги демантираше гласините со фотографија...

Пике на "Фејсбук" и на "Твитер" објави фотографија на која ја прегрнува Шакира. Со нив се и неговиот клупски колега Фабрегас со девојката, а фотографијата е направена на вечерата која била организирана по повод разделбата од тренерот Пеп Гвардиола.

Под фотографијата напишал ”Уживав во прекрасната вечер!”. Така им даде до знаење на сите дека не поминува низ љубовна криза.

Но, кај што има чад има ли и оган? Познато е дека Пике е слаб на плавуши, а дека убавата Бар е страствена навивачка на "Барселона".

Израелската манекенка, која му беше девојка на Леонардо ди Каприо, овие денови е во Барселона каде снима реклама за модната куќа “Pronovias”. Новинарите кои ја следат велат дека ја виделе во друштво на Пике. Рафаели веднаш го демантирала ова велејќи дека не ја привлекуваат фудбалерите како мажи.

Само времето ќе покаже дали новинарите лажат или не!