По стапките на Анџелина Џоли...

И латино дивата наскоро може да се смести на листата - познати холивудски ѕвезди кои посвоиле деца.

Џенифер Лопез неодамна го заврши снимањето на филмот "What to Expect when You're Expecting", во кој работела со деца посвоени од Етиопија откако нивните родители починале.

Таа се разнежнила и изјавила дека сериозно размислува за посвојување.

“Интересно е што пред филмот никогаш не размислував за тоа бидејќи отсекогаш сакав да имам свои деца. Бев многу преокупирана со тоа и ми требаше многу време за да ги добијам”, изјавила пејачката и актерка која ги има четиригодишните близнаци Макс и Ема, од бракот со Марк Ентони.

“Во текот на снимањето на филмот се заљубив во две мали деца од Етиопија и сега можам да разберам како е кога некој сака да заштити некое мало суштество кое нема ништо свое. Тоа е прекрасен и великодушен чин”, рекла Џенифер.