Не поминаа ни две недели откако се породи, Џесика Симпсон веќе ги продаде ексклузивните фотографии од својата ќерка...

Американската пејачка и актерка убаво профитираше од раѓањето на своето прво дете, ќерката Максвел, заработувајќи речиси пет милиони долари.

Како што објавуваат американските таблоиди, Џесика и нејзиниот вереник Ерик Џонсон само од продажбата на првите фотографии на нивната ќерка на магазинот „Пилп“ заработиле 800.000 долари.

Дополнително, за симнување на вишокот килограми наталожени за време на бременоста, Џесика доби уште четири милиони долари, колку што вреди нејзиниот договор со компанијата за диететски производи „Вејт Вачерс“.

Износот кој им е исплатен на Џесика и Ерик, сепак е многу помал од оној кој го добија Џенифер Лопез и Анџелина Џоли, тие за првите фотографии на своите близнаци добија шест, односно 11 милиони долари.

Некои селебрити личности пак, сами ги објавуваат фотографиите од своите наследници, како Бијонсе и Џеј Зи.