Убавицата од Калифорнија вели дека е маѓепсана од британскиот актер кој го опиша како совршен Англичанец.

Камерон Дијаз ја краси насловната страница на мајското издание на списанието Harper's Bazaar, а во интервју рече дека многу ги сака Британците и дека е речиси маѓепсана од Колин Фирт.

„Тој поседува неверојатна позитивна енергија и во негово друштво секогаш се чувствувате посебно, а го има и оној вистинскиот британски шарм. Тој е совршен Англичанец“, вели Дијаз.

Покрај Фирт, убавата актерка откри дека отсекогаш е „навлечена“ на британскиот хумор и сериите како што се Monty Python и Little Britain.

Таблоидите пишуваат дека ова би можело да значи и признавање на романса со актерот награден со Оскар.

Камерон до сега ги „прошета“ некои од најдобрите фраери на планетата, како што се Џастин Тимберлејк, Џаред Лето, Алекс Родригез...