Раперката смета дека нејзините песни кои содржат не толку убави зборови не би требало да им се пуштаат на деца, туку само оние „фините“.

Ники Минаж во едно интервју изјави дека „многу би ја погодило кога би слушнала деца како ги пеат ‘безобразните’ верзии од нејзините песни“, како што е синглот Stupid Hoe.

„Не сакам децата да пцујат, а уште помалку тоа да го научат од мене. На моите братучеди и помалиот брат не им дозволувам да слушаат музика која содржи пцуење и грди зборови“, вели Ники.

Сепак, своите рими не планира да ги „скроти“ затоа што мисли дека критичарите се многу сексистички настроени...

„Зошто тоа истото не го бараат од Еминем, Лил Вејн или некој друг машки рапер“, се пожали младата пејачка.

Раперката на почетокот од месецот го издаде вториот студиски албум Pink Friday: Roman Reloaded.