Поради се почестите и не толку убави детали од животот на одненадеж починатата музичка дива, нејзината мајка Сиси Хјустон одлучи да ја напише вистината за бурниот живот на нејзината ќерка.

Сиси според New York Times веќе е во преговори со една издавачка куќа, а книгата би требало да биде објавена до крајот на оваа или почетокот на следната година, кога ќе се одбележи година од смртта на Витни.

„Во книгата ќе има лоши работи, но ќе има и добри. Толку лаги се зборуваат за Витни, а јас сакам сите да ги прекинам и да ја кажам вистинската вистина, без разлика колку таа понекогаш е болна или грда“, му рекла Сиси на неименуваниот издавач, кој не можел да молчи.

Сиси веќе има искуство во пишување, во 1998 година ги објави мемоарите How Sweet The Sound во кои го опиша своето семејство и подемот до статусот на една од првите темнокожи пејачки ѕвезди.