По осум години падна последната клапа на една од најгледаните серии на светот...

37-годишната Ева Лонгорија пред осум години доби “џек-пот”, кога и беше доделена една од главните улоги во серијата “Очајни домаќинки”. Па затоа не е чудно што за познатата актерка последниот ден од снимањето бил многу емоционален.

Ѕвездите си размениле многу прегратки додека се разделувале. Фотографиите од снимањето, членовите на екипата ги поставиле на “Твитер”. По последната клапа Лонгорија (Габриела Солис) и Марша Крос (Бри ван дер Камп) плачеле прегрнати. Ева разменила неколку прегратки и со Фелисити Хофман и Рикардо Чавира, кој во серијата го глумеше нејзиниот маж, Карлос Солис.

На “Твитер” Ева напишала: “Крај на една ера. Сите сме тажни. Марша Крос и јас плачевме. Не можев да ја пуштам Фелисити. Секогаш беше со мене во овие осум години”.

Вчера беше снимена последната епизода од хит серијата, која во Америка ќе биде прикажана на 13 мај.