Метју Меконахи дизајнирал панталони со отвори на задникот за филмот Magic Mike.

Иако веќе припадничките на понежниот пол се доволно возбудени за филмот што треба да излезе со згодниот Чејнинг Тејтум во главна улога, изгледа дека добија уште една одлична причина за да побрзаат во кино салите.

Имено, Метју Меконахи кој исто така глуми во филмот, толку се соживеал со улогата што сам одлучил да дизајнира панталони во кои ќе се појави во некои од секси сцените.

Но, тоа не се обични панталони, туку оние кои ќе ви го покажат неговиот гол задник! Се работи за кожени панталони со отвори на задната страна какви што стриперите обожаваат да носат.

Дека Метју оваа улога навистина ја сфатил сериозно, докажува и фактот дека тој и неговиот колега Чејнинг направиле мала подготовка пред филмот. Двајцата одлучиле да посетат машки стриптиз бар во Њу Орлеанс, а момците таму поминале само час време и сфатиле дека им е „доста“.