Ирската пејачка на својот сајт напишала дека психијатарот ја советувал да не тргнува на пат.

Шинед О’Конор наскоро требаше да тргне на турнеја, но таа е одложена на неодредено време поради тешката психичка состојба на пејачката. Таа во последните неколку месеци имаше свадба, развод, помирување и бројни други пресврти во личниот живот, а инаку боледува од биполарно пореметување.

„Не сум добро и имав неколку сериозни нервни сломови во последните неколку месеци. Турнејата ја закажав во обид да бидам посилна отколку што навистина сум, но сепак морам да се откажам“, напишала пејачката позната по хитот Nothing Compares 2 U.

Последниот албум How about I be me Шинед го објави во февруари, но публиката ќе мора да почека да се опорави, пред да ја слушне во живо.