Таа е еден од најбараните модели на светот, со голем број на модни кампањи позади себе. А сега снимаше една од која може да се види од кого го наследила убавиот изглед...

29-годишната Миранда Кер позираше за новото издание на списанието Women's Weekly заедно со својата мајка и баба.

Освен тоа мајка и Тереса и баба и Ане зборувале за тоа како губењето на нивните мајки влијаело на нив.

Нејзината баба Ане раскажала дека кога имала 13 години останала без мајка. "Отиде во болница и никогаш не се врати. Мајка ми имаше 32 години кога почина. Татко ми никогаш не се ожени повторно". Мајка и на Миранда, Тереса раскажала како ја изгубила својата мајка кога имала 17 години. Тогаш била бремена со Миранда.

"Мајка ми се разбуди тоа утро со болки во прстите. Отиде во болница и никогаш не се врати. Се чувствував како некој да ми го откорна срцето. Најмногу ми е жал што никогаш не успеа да ги запознае моите деца. Ќе беше многу горда на нив", изјавила Тереса.

Сите три дами заблескаа на снимањето, а најгорд сигурно ќе биде сопругот на Миранда, глумецот Орландо Блум.