Произведени се само 200 примероци од Ренџ Роверот кој го дизајнираше Викторија Бекам. Автомобилот чини 88.000 фунти, а засега се продава само во Кина...

“Како дете секогаш се возев боса во Ролс-Ројсот на мојот татко бидејќи беше многу мек. Сакав во тоа чувство да уживаат и сопствениците на новиот автомобил кој го дизајнирав”, објаснува сопругата на Дејвид Бекам зошто инсистирала тепихот во автомобилот да биде од мохер, вид скапоцена волна.

Инспирација за уредувањето на автомобилскиот интериер пронашла проучувајќи ги кабините на луксузните јахти и авиони.

“Навистина се потрудив. На oвој проект работев дури 18 месеци”, истакнува Викторија.

Иако внатрешноста на автомобилот е уредена како салон во најраскошна вила, овој теренец со леснотија може да јури и по калливите улици.