Младата пејачка ѕвезда Деми Ловато ја шокираше јавноста со своето неодамнешно признание...

Таа откри дека користела кокаин за да се ослободи од самотијата која ја чувствувала. Деми вели дека дрогата и ја нуделе промотерите на клубовите во кои често одела.

Бившата Дизниева ѕвезда била на рехабилитација во 2010 година поради многу проблеми, пореметување во исхраната, депресија и самоповредување. Додека раскажувала за овие проблеми досега не открила дека земала и дрога. Но неодамна сепак кажа дека шмркала кокаин.

“Тоа е нешто за што не сакам да зборувам. Можам да речам дека бев во депресија. Настапував пред 18.000 луѓе, а потоа одев во хотелска соба каде што бев сама. Затоа барав начин да останам среќна”, вели Деми.

Како што вели, промоторите на клубовите и давале дрога и алкохол бидејќи сакале пак да се врати во нивниот клуб и папараците да ја снимат баш таму.

“Мислев дека ми се пријатели и дека се забавувам. Да се биде познат може да биде многу опасно. Никој не вели “не”. Затоа многумина се предозираат и умираат. Тоа можеше да ми се случи и мене”, заклучила младата пејачка.