Тетката на поранешниот сопруг на славната пејачка, Кевин Федерлајн, напишала еротски роман инспириран од скандалозниот брак на Кевин и Бритни.

Тетката на Кевинн, Дајана Стори, вели дека нејзината книга Pop Baby Krissy Doucet е приказна за љубовната врска меѓу пејачката Криси и танчерот Кинан Фази, и дека секоја сличност со реални личности е „само случајна“!?

Во јавноста веќе излегоа и неколку инсерти од оваа интригантна книга, кои го потврдуваат токму спротивното...

„Штом го здогледа Кинан, знаеше дека тој е исклучителен дечко. Тоа што го избра во преполниот клуб беше една од најдобрите одлуки во нејзиниот живот. Но, дали може да се натпреварува со Тара Батлер, жената од минатата на Кинан која е во состојба да ги задоволи сите негови сексуални апетити?“

Бритни и Кевин беа во брак од 2004 до 2007 година и имаат два сина, околу чие старателство одлучуваше судот во време кога Бритни беше во тотално нервно растројство.

По безброј скандали и врски со најчудни ликови, пејачката се смири, повторно делумно го контролира својот имот, се грижи за децата, а наскоро би требало повторно да се омажи, сега за менаџерот и вереник Џејсон Тревик.