Иако делува премногу сериозно и ретко се смее, Викторија Бекам овие денови на својот Твитер профил покажала дека и таа има своја забавна страна. Имено, додека била на лет од Лондон за Јапонија, Викторија се "заиграла" со стујардесата, а фотографијата ја објавила на Твитер...

Славната Пош во текот на летот уживала во улогата на стујардеса, а се сликала и со една од нив. На сликата ја држи слушалката како да ги известува патниците за слетувањето на авионот, додека стујардесата прави гримаси и покажува со прст кон неа. Под фотографијата напишала: "Добродојдовте во Пекинг!"

Занимливо е како ни во таква прилика Пош не се откажала од своите големи очила, а обелечена е во еден од неколкуте нови модели на фустани од својата дизајнерска колекција пролет/лето.