Шишенцето чини околу 30 долари, но кршењето на договорот на пејачот ќе чини четири милиони.

Парфемот 3121 на компанијата Revelations е лансиран пред четири години, а името, шишенцето и комплетната идеја биле инспирирани од истоимениот албум на Принс.

Било договорено дека Принс ќе учествува во промотивните акции и кампањи. За користењето на името и ликот на музичарот, Revelations исплатиле повеќе од два и пол милиони долари, а за возврат, Принс требало да учествува во маркетингот на парфемот. Меѓутоа, произведувачите го тужеле затоа што целосно ги „искулирал“.

„Од јули 2007 сме немале никаква комуникација со било кој кој би можел да ни овозможи контакт со Принс“, се наведува во тужбата која ја поднел Revelations.

Оваа козметичка куќа во 2008 година барала „само“ 100.000 долари отштета, но судот во Њујорк одреди пејачот да плати четири милиони.