Манекенката налути група католици со појавување во филмот „Трите марионети“ облечена како чесна сестра во бикини.

Кога се објавени фотографиите од снимањето на филмот „Трите марионети“ на кои се гледа разголената Кејт Аптон во костим на чесна сестра, цел свет полуде по облините на убавицата од насловната страна на Sports Illustrated. Сите освен една католичка група...

Американската религиозна група - Католичката лига за религиозни и граѓански права, издаде соопштение во кое го обвинува студиото 20 Century Fox за непочитување на религијата.

„Во педесетите години на минатиот век Холивуд ја почитуваше религијата, а сега христијанството, а посебно католицизмот се навредуваат без пардон“, пишува во соопштението на портпаролот на групата, Бил Донахју.

Причината поради која Кејт Аптон и студиото 20 Century Fox ја налутиле религиозната група е улогата на чесната сестра Бернис во секси костим за капење, која ја глуми Кејт Аптон, а која „им се потсмева на чесните сестри и на децата“.

Студиото издаде кратко соопштение во кое пишува дека станува збор за комедија, како и дека смеата е универзален лек.