Глумецот и режисер наводно изјавил дека Џон Ленон заслужил да биде убиен, а и се заканувал и на својата поранешна девојка со смрт...
Сценаристот Џо Естерас во американските медиуми изјави дека Мел Гибсон, кој порано беше апсен поради пијанство и упатување навреди кон еврејската заедница, имал неколку испади за кои јавноста до сега незнаела.
Естерас се спречкал со Гибсон околу снимањето на филмот за библискиот херој Јури Макабејк, поради тоа што режисерот се откажал од планот тој филм да биде снимен по неговото сценарио.
Сценаристот сега тврди дека Мел истовремено изјавил дека славниот "Битлс" Џон Ленон заслужил да умре.
"Драго ми е што е убиен, заслужи таква смрт. Сакаше да биде пророк. Слушајте ја само песнта "Imagine", колку само ја мразам таа песна", се само дел од изјавите на Гибсон.
Естерас тврди дека Гибсон пред своите соработници отворено зборувал за тоа како би сакал со својата поранешна девојка Оксана да "има анален секс додека во ист момент ја боди со нож".
"Гибсон одби да го снима филмот од една причина, а тоа е омразата кон Евреите. За секој нов соработник прашуваше "И тој ли е Евреин", сите припадници на оваа верска заедница ги нарекуваше "побегнати од рерна". Зборуваше како холокаустот е измислица и редеше навреда до навреда", наведе Естерас во отворено писмо.
Гибсон одговори на неговите обвиненија, кракто кажувајќи дека сценариото го отфрлил зашто не било доволно добро, а останатите тврдења ги нарече "бесрамни лаги".
