Бред Пит и Анџелина Џоли се свршиле и наскоро планираат да се венчаат, потврдила денес портпаролката на Бред Пит...

“Да, потврдено е. Тоа е ветување за иднина и нивните деца се навистина среќни”, рекла Синтија Пет-Данте.

Парот се сврши по седум години заеднички живот, тие имаат три биолошки и три посвоени деца.

Свршеничкиот прстен на Анџелина го изработил златарот Роберт Прокоп. Прстенот го правел по упатствата на Бред, кој цело време ја надгледувал работата.

Се проценува дека вреди околу 250 илјади долари.

На почетокот на месецов Анџелина била видена со скапоцениот прстен на раката, додека била во посета на музеј во Лос Анџелес.