Зак Ефрон се труди да се ослободи од имиџот на тинејџерска ѕвезда...

Откако на премиерата на филмот "Lorax" од џебот му испадна презерватив, Ефрон сега на сите им демонстрираше како се откопчува градник.

24-годишниот глумец го промовираше новиот филм "The lucky one", а со оглед дека постои сцена во која го прави баш ова, австралиските новинари побараа од него да им ги покаже своите вештини.

Во новиот филм го глуми ликот на Logan, кој случајно пронаѓа форографија од млада девојка, за која ќе сака да дознае што повеќе. Сликата на која се наоѓа Beth, му помага да го преживее служењето војска во Авганистан, па по враќањето во САД одлучува да стапи во контакт со неа.

Ова романтична драма е направена по предлог на Николас Спарк, автор на големите кино хитови "Notebook" и "Dear John". Не се сомневаме дека и "The lucky one" ќе се придружи на таа листа, посебно поради шармантниот Зак.