Третиот по ред за наследство на британскиот трон наводно е во врска со пејачката Моли Кинг.

Принцот Хари (27) е во врска со членка на групата The Saturdays, русокосата убавица Моли Кинг, пишува британскиот печат.

Парот се запозна уште пред две години, кога пејачката дојде да го поддржи принцот за време на еден поло меч, и во врска се веќе неколку месеци. Британските папараци ги овековечиле за време на излегувањето во еден караоке бар, како и во неколку лондонски клубови.

Кинг порано беше во врска со манекенот Дејвид Генди, додека Хари е официјално сам уште од 2009 година, кога раскина со долгогодишната девојка Челси Дејви.