Американските весници пишуваат дека вереникот на пејачката и поранешен менаџер од нејзиниот татко наскоро ќе го преземе управувањето со нејзиниот имот, финансии, кариера и дека тоа значи скоро венчавање.
Според пишувањето на списанието People, татко и на Бритни Спирс, Џејми, побарал од судот во Лос Анџелес да го „ослободи“ од управувањето со имотот и финансиите на ќерка си и се да му препушти на нејзиниот вереник, Џејсон Тревик.
Таткото на пејачката со одлуката на судот од 2008 година стана „старател“ на се што таа поседува, а сега е време таа одлука да се промени затоа што Бритни се доведе во ред и речиси три години нема направено ниту еден скандал.
„Се ова личи на скоро венчавање на Бритни и Џејми. Ова е крајно необичен правен случај, а судејќи според се нејзиниот иден маж ќе го преземе управувањето со нејзините пари, недвижнини, кариера... се што до сега извршуваше нејзиниот татко“, рече лосанџелскиот адвокат Џефри Коен.
Судијата Рева Лец минатиот месец изјави дека Бритни од 2008 година до денеска „неверојатно напредувала и дека е време да се разгледа раскинување на одлуката со нејзиниот имот да управува татко и“.
Сепак, се чини дека пејачката се уште не е во состојба да го прави тоа и за се што поседува од сега ќе се грижи нејзиниот вереник.
Бритни минатата година беше на светска турнеја, а наскоро би требала да почне со снимање на нов албум.
