Актерот и режисер ја тужи компанијата која продава мебел со неговото име.

Компанијата Evofurniture од Лос Анџелес во својата понуда има дивани, столови и гарнитури за седење кои го носат името на Клинт Иствуд.

Столиците „Клинт“ и „Иствуд“ дури и се рекламираат со слика од легендарниот Оскаровец, и слогани како што се „Нека вашите гости се чувствуваат како ‘Девојка од милион долари’“ или „Немојте куќата да ви изгледа како во неа да живеат ‘Добар, лош, злобен’“.

Иствуд бара Evofurniture да престане да ја користи неговата слика, име или имињата на неговите филмови, како и да му исплатат непозната сума како отштета.

Претставниците на компанијата се уште се немаат огласено по повод тужбата поднесена на судот во Лос Анџелес.