Хју Грант најавил дека се повлекува од филмската индустрија.

„Повеќе не ми се допаѓа процесот на појавување пред камерите. Завршив со тоа“, рече актерот во интервју за списанието OK!.

Актерот рече дека на „привремена пензија“ се одлучил затоа што „престанал да ужива во својата работа“. „Завршив со тоа. Овде-онде се појавува по нешто што ми ја заскокоткува фантазијата, но завршив.“

Грант додаде дека ужива во пријателствата кои ги склопува на работа, но дека самото стоење пред камерата веќе не му се допаѓа. Тој додаде дека е најтажно да гледаш луѓе во доцните триесети или четириесети како се борат да глумат морков во телевизиска реклама.

„За некои луѓе, глумата е потреба, толку се фасцинирани од неа“, рече Грант.