Во едно интервју, поранешниот сопруг на проблематичната британска пејачка, Amy Winehouse, открил дека Amy доживеала клиничка смрт по 3 дена поминати во конзумација на наркотични средства. „Почна повторно да трепери, а одненадеж трепетот прерасна во нешто што наликуваше на епилептичен напад. Бев во паника и не знаев како да и помогнам. И јас бев под дејство на наркотици и не правев ништо друго освен што плачев и без прекин го повторував нејзиното име“ - открил Blake Fielder - Civil, кој пред 10 дена се разведе од Amy Winehouse.

Според неговите зборови, тој и Amy 3 дена поминале под дејство на хероин и кокаин. „Одеднаш погледот и се замати и падна на подот пред да успеам да ја дофатам и почна да и излегува пена низ устата. Пребледна цела, а јас почнав да и давам вештачко дишење, уста на уста, но престана да дише. Бев сигурен дека ќе умре во моите раце, но продолжив со вештачкото дишење. На почетокот ништо не се случуваше,а потоа нејзиниот граден кош почна да се подига и спушта, па нашата заедничка пријателка повика такси за да ја однесеме во болница“ - изјавил Blake. Winehouse била пренесена во лондонската болница University College, каде се разбудила од коматозната состојба, иако по пристигнувањето повторно колабирала.

Опивањето и дрогирањето започнало пред 3 дена во паб кој бил близу до Heathrow, а на забавата им се придружил и Pete Doherty. Blake изјвил и дека многу пати ја терал Amy да се откаже од дрогата, но безуспешно, затоа што секогаш кога ќе и станело досадно, таа посегнувала по хероинот.