Една маркетиншка компанија направила листа на познати кои се „најздодевни“, а првото место го држи Ким Кардашијан.

Американската старлета е прва на листата на познати кои „излегуваат од фрижидерот“, која ја составила компанијата E Poll.

65% од анкетираните сметаат дека Ким е личност на која и се дава најмногу простор во медиумите, иако тоа со ништо го нема заслужено.

На второ место е познатата актерка Линдзи Лохан, а на трето е Никол „Снуки“ Полици, ѕвезда на реалното шоу The Jersey Shore.

Четвртото го зазема мајката на осумката Надија Сулеман, петтото старлетата Парис Хилтон, а шестото Кејт Госелин од реалното шоу „Кејт и осум деца“.

На листата се и Мајк „Ситуација“ Сорентино (The Jersey Shore), Ливај Џонстон (таткото на детето на ќерката на Сара Пејлин) и Клои Кардашијан.