Поранешниот сопруг на RnB дивата Витни Хјустон, Боби Браун, уапсен е во понеделник во Лос Анџелес поради возење под дејство на алкохол.

Интернет порталот TMZ пишува дека Браун го запрела сообраќајната патрола на еден пат во Лос Анџелес затоа што разговарал на мобилен телефон додека управувал со возилото, но дека е приведен по резултатот од алко-тестот.

Музичарот е спроведен во затворот Вен Најс каде ја поминал ноќта, но утринава е пуштен од притвор со кауција.

Проблематичниот музичар, наводно, е главниот виновник за проблемот со дрогата кој доведе до крај на кариерата на Витни Хјустон.