Иако минатата година во светот на славните беше многу плодна,”бејби бумот” не застанува ни во 2012. Некои по прв, а некои и по трет пат ќе станат мајки...

Рис Витерспун

Неодамна објави дека го чека своето трето дете. Таа во 1999 година се омажи за Рајан Филипе со кој ги има 14-годишната ќерка Ава и 9-годишниот син Дикон. По седум години брак парот се разведе, па русокосата среќата ја пронајде кај Џим Тот со кој го очекува првото дете.

Ума Турман

И Ума е мајка на две деца. За актерот Итан Хук се омажи во 1998 година, а плод на нивната љубов се 15 години старата Маја и 10-годишниот Левон. Исто како и Рис, и Ума се разведе и започна нов живот со бизнисменот Арпад Бусон, со кого очекува дете.

Адријана Лима

Атрактивната манекенка чија фигура стана препознатлив знак на популарниот бренд “Викторијас Сикрет“, не дозволи првата бременост да остави траги на нејзиното тело. Адријана живее во среќен брак со српскиот кошаркар Марко Јариќ, со кој ја има двегодишната ќерка Валентина. На почетокот на месецов среќниот пар објави дека очекуваат уште едно дете.

Алесандра Амбросио

Уште една манекенка по втор пат е во блажена состојба. Атрактивната бринета и американскиот бизнисмен Џејми Мазур пред четири години ја добија ќерката Ања, а минатата година објавија дека во нивните животи ќе се најде уште едно дете. И покрај веќе големото стомаче секси манекeнката сѐ уште успешно ја одржува линијата.

Џесика Симпсон

Популарната Американка веќе е во напредна фаза oд бременоста, што лесно може да се забележи по големиот стомак, но и по килограмите кои ги насобрала во текот на последните месеци. 30-годишната пејачка и актерка и играчот на американски фудбал, Ерик Џонсон, го очекуваат своето прво дете.