Луксузната куќа во Лос Анџелес, во која почина Мајкл Џексон, се продава за 23,9 милиони долари...

Куќата има седум спални соби и 13 бањи, а агенциите за недвижности ја опишуваат како „елегантен и софистициран француски замок“. Во неа има и кино сала, сала за вежбање и базен.

“На имотот има гламурозна визба за вино и просторија за дегустација, огромна сала за вежбање со спа центар и дел наменет за гости, како и простран базен и градини”, велат агентите за недвижности.

Куќата е изградена во 2002 година и зафаќа површина oд 1.580 метри квадратни, оспособени за живеење, во околината се простира „раскошен пејзаж“ од половина хектар.

Голем дел од славните личности веќе се заинтересирани да ја купат куќата на кралот на поп музиката.