Актерот и шок рокерот ја преработиле песната на Карли Сајмон You're So Vain, поради што Мерилин Менсон ќе мора да настапи на роденденот на синот на Деп.
Песната You're So Vain која ја снимиле Деп и Менсон, ќе биде објавена на новиот албум на пејачот, Born Villain. Во песната Џони Деп е задолжен за тапаните и гитарата, а Менсон за вокалите.
Мерилин во интервју за телевизијата MTV откри дека песната „го опишува нивниот однос на еден ироничен начин“, а најавил и снимање на спот во кој тие двајцата ќе се гледаат во огледало. Освен фактот дека капетанот Џек и Менсон снимиле песна, поинтересен е фактот што шок рокерот поради учеството на Деп на албумот ќе мора да настапи на роденденот на еден десетогодишник...
„Му ветив на синот на Џони, Џек, дека ќе пеам на неговиот родендн затоа што тој беше во студиото додека вежбавме и пееше со нас“, рече Менсон, не откривајќи дали во песната ќе се слушне и гласот на синот на Деп.
Деп и Мерилин се долгогодишни пријатели уште од серијата 21 Jump Street во која холивудскиот актер играше една од главните улоги, а Менсон бил статист, а соработуваа и за време на снимањето на филмот From Hell, во кој се слуша песната на Менсон The Nobodies.
На Џони, кој е прогласен за модна икона, ова нема да му биде прв пат во музичките води. Веќе соработувал со Алис Купер, но и со групата Oasis во песната Fade In-Out oд албумот Be Here Now од 1997 година.
