Некој би помислил дека актерот со нежност зборува за филмот кој го обезбеди неговото место на ѕвезденото небо на Холивуд.

Ги освои женските срца со улогата на Едвард Луис во „Убава жена“, но како што откри во последното интервју, Ричард Гир (62) овој филм не го гледа со исти чувства како повеќето од нас.

„Тоа е една глупава, романтична комедија“, рече Гир за списанието Woman's Day. „Луѓето и денеска ме прашуваат за тој филм, а јас дури и заборавив на него.“

Гир додава дека дури смета дека филмот со него и Џулија Робертс во главните улоги допринесел за „економска пропаст ширум светот“, затоа што неговиот лик Едвард Луис ги глорифицирал финансиерите од Вол Стрит.

„Едвард стори се за тие момци да изгледаат прекрасно, што е погрешно. Фала му на Бога, па сите денеска сме сомничави кон нив.“