Пејачката годишно од својата страница на сајтот за микроблогинг заработува околу 30 милиони долари.

Професионалците на Wall Street Journal проценуваат дека Лејди Гага третина од своето богатство, кое се проценува на 90 милиони долари, му го должи на својот Твитер профил и верните фанови. Таа на тој сајт има рекордни 20 милиони следбеници.

Оваа бројка се основна на фактот дека поради директна интеракција со пејачката, тие 20 милиони фанови најверојатно се склони кон тоа легално да ги купат нејзините албуми, наместо да ги „симнат“ од интернет.

На пејачката наскоро Твитер можеби ќе и биде единствен вид за комуникација со јавноста, затоа што најави дека по вечерашното интервју кое и го даде на Опра Винфри, повеќе нема да разговара со припадниците на медиумите.