Фронтменот на Maroon 5 најави дека ќе лансира сопствен парфем.

Адам Левин (32) напишал на својот Твитер профил дека наскоро ќе претстави парфеми за мажи и жени, кои ќе се викаат 222.

Интересно е што Левин своевремено во едно интервју рече дека ги мрази познатите кои се „мешаат“ во светот на козметиката.

„Да можам, би им забранил на познатите да прават парфеми. Официјално и со закон би го забранил тоа и би вовел смртна казна за оние кои го прават тоа“, рекол пејачот.

Очигледно некоја козметичка куќа му понудила доволно пари за да заборави дека своевремено мислел дека правењето на „познат“ пафем е злосторство.