Поп културата не би била иста да ја нема Бритни Спирс. Таа е единствената од ѕвездите кои ја започнале својата кариера од детството, а со своите 30 години се уште е на музичката сцена...

И покрај се што поминала, Бритни Спирс и понатаму има свои верни обожаватели. Така еден од нив направил одлично видео во кое служејќи се со "morph технологија" го прикажал менувањето на лицето на поп принцезата низ годините.

Од раното детство, до почетокот на поп кариерата, врвот на славата, па се до нервниот слом и враќањето на сцената - се во 60 секунди! Иако многу работи во нејзиниот живот се менувале, останала препознатлива нејзината насмевка.

Денес Бритни е мајка на двајца синови, а наскоро ќе се омажи по трет пат за својот менаџер, Џејсон Травик. Работи и на својата кариера, и до неодамна била на турнеја со својот последен албум 'Femme Fatale'. Сега се посветува на плановите за венчавката која наводно ќе биде во каубојски стил.