24 годишниот Брахим Заибат ја запросил својата девојка, 53 годишната кралица на поп музиката - Мадона.

Иако многу жени сонуваат за просидба, посебно од помлад дечко, изгледа дека Мадона не е сигурна дали треба да се омажи и трет пат.

Поп кралицата излегува со својот танчер Брахим последните година дена. Изгледа дека се било во ред се додека тој не го прашал судбоносното прашање: „Ќе се омажиш ли за мене?“

Според Daily Mail, ја запросил во њујоршкиот кабала центар, но Мадона не одговорила веднаш, ниту ја прифатила неговата просидба. И самата Мадона неодамна изјави дека „попрво би се фрлила под воз отколку повторно да се омажи“. Изгледа дека младиот дечко го пропуштил тоа интервју, затоа што Мадона се фрли на работа повеќе отколку порано.

Наскоро излегува нејзиниот нов албум, а ќе започне и нејзината светска турнеја.