R&B пејачот Chris Brown за прв пат јавно се извини за нападот врз неговата поранешна девојка, познатата пејачка Rihanna, опишувајќи го тој акт како недопустливо губење на контролата и бара прошка од нејзините фанови.

20-годишниот Chris во 2-минутно видео изјавил дека сакал порано да прозбори и да се извини јавно, но бил спречен од неговите адвокати. Пејачот беше прогласен за виновен минатиот месец за претепување на Rihanna во Лос Анџелес, вечерта на доделувањето на Grammy Наградите. „Безброј пати и кажав на Rihanna, а сега ви кажувам и на вас дека навистина многу ми е жал што не можев да ја сменам ситуацијата кон подобро“-изјавил 20-годишниот пејач.