Пејачката се договорила надвор од судот со телохранителот кој ја обвини за сексуално вознемирување.

Фернандо Флорес ја тужеше Бритни Спирс тврдејќи дека шетала гола пред него и се обидувала да го наведе на секс, како и дека имала сексуални односи додека тој бил во просторијата. Случајот некое време се „влечкаше“ по судот, за пејачката на крајот да се договори со поранешниот телохранител надвор од судот.

Американскиот озборувачки сајт TMZ пишува дека Спирс веројатно му платила на Флорес поголема сума за случајот да заврши, иако нејзиниот правен тим и поранешниот сопруг Кевин Федерлајн јавно истакнувале дека немал основа за тужба.

Тоа не е единствен проблем кој пејачката го има со припадниците на своето обезбедување. Во декември минатата година, компанијата Advanced Security ја тужеше поради неплатен долг од 140.000 долари.