Моментално еден од најзафатените млади актери во Холивуд, Рајан Гослинг на медиумите конечно им откри неколку интересни детали од својот приватен живот.

Се прослави со улогата во романтичната драма „Бележник за нашата љубов“, по која девојките ширум светот почнаа да лудуваат по него. Улогата ја добил, според негови зборови, затоа што режисерот сметал дека не е премногу згоден. Токму таков актер му требал за главна улога. Еден дечко му рекло дека девојката го напуштила поради тој филм.

„Ми рече дека тој за неа сигурно никогаш не би изградил куќа како што тоа го направив јас во филмот. Одлучила веднаш да ја прекине свршувачката“, вели Гослинг кој во тој филм се ‘смува’ со Рејчел Мек Адамс. Денеска е во врска со Ева Мендез. Признава дека не секогаш бил таков фраер за каков што го сметаат денеска.

„Бев најосаменото дете на светот. Немав воопшто пријатели, целосно се изолирав со своја волја. Телевизијата беше моја најголема утеха и мој најдобар пријател. Еднаш во Muppet Show ја видов актерката Ракел Велч во која се вљубив. Бев осум години, цврсто одлучив дека морам да ја запознаам и тоа беше моментот кога станав актер.“

Гослинг го прераскажа и настанот поради кој бил суспендиран од основното училиште, па неговата мајка, која била учителка, го подучувала дома една година.

„Замислив дека сум Рамбо. Во училиштето однесов сет ножеви кои ги фрлав околу себе. Никој не повредив, но ме исфрлија од училиштето. Ја научив својата лекција“, вели Гослинг. Додаде дека ужива да снима филмови, а така ќе биде се додека не почнат да му се раѓаат деца.